最近好多人有興趣學水肺潛水，問到未學過應該考咩牌，或可唔可以直接考進階課程等等。而加等我講解下潛水員嘅各級牌照啦！
考牌資格
8歲或以上，體格又合適潛水，就可以考牌㗎喇！ （當然小朋友同成人去到嘅水深，同自主嘅level有唔同啦)
未有牌又想體驗下先嘅你
可以報名「體驗潛水」，我哋將教你一節理論堂及帶你體驗一次淺水區域（最深5米）潛水！ 但你係唔需要體驗過先考初級牌照嘅。
未學過潛水而直接想考牌嘅你
你會先考初級牌照「開放水域潛水員課程」Open Water Diver Course (俗稱o仔) 考完你就可以到世界各地潛到18米，全球認證！
依個認證係所有潛水員嘅必須證照，一定要係O仔先可以再upgrade到進階潛水員及報讀其他潛水專長。
課程會有理論堂(6個單元)、2節淺水區教學 (泳池或大海淺水區)及4節開放水域訓練。完成後記得入log呀！Log係你的潛水經驗證明，對日後潛水考牌歷程及到需要經驗的潛點非常有用！
6個單元的理論堂
可以一日5-6小時進行，或分2晚(各3小時)進行。課堂最後一小時將會有50條Multiple Choices的考試, 80%正確就合格啦！
2節淺水區教學 (泳池或大海淺水區)
大概3小時完成。課堂會教授所有水下技巧，例如清除面鏡內的水、水下除戴鉛帶及3項emergency skills等等。形式會是continuous assessment，即是教練示範完，每個學生照做，冇任何錯誤就next!
4節開放水域訓練 (分2天進行)
每天都會完成2個dive logs。而今次，教練係不會再示範，3要你「自動波」！所以出海之前最好重溫水下技巧的videos (SSI的APP係有無限免費重溫)，咁就輕輕鬆鬆獲得認證啦！
考咗初級牌，又心思思想考上去嘅你
咁「進階探險潛水員課程」就最適合喇！ 依個課程俾你喺12多項潛水專長挑選5項去體驗，提高你潛水技巧同經驗，仲可以俾你嘗試多項感興趣嘅潛水。 最多人揀選嘅專長係深潛、夜間及低能見度潛水、導航、船潛等等。
完成後而又揀咗深潛，你就可以潛到30米max.，揀咗夜潛專長就可以去夜潛，如此類推，就係咁簡單！
考咗初級牌，而好肯定想深入了解某4項專長嘅你
如果你唔需要嘗試，好清楚自己要深入了解4個潛水專長，咁你可以直接考獲佢哋嘅專長認證（比進階潛水探險員更深入更多課程時數），再有24次下潛紀錄，就會獲得「進階開放水域潛水員課程」嘅認證！
SSI 提供30多項潛水專長俾你選擇！例如深潛(認證後可到40米)、夜間及低能見度潛水、高氧、潛水導航、Rescue、 海洋生態學，dry suit, full face mask, independent diving 等等。
以下係SSI的休息潛水員考牌升級表
中間個堆就係潛水專長喇！
希望這個小小的簡介幫到大家 :)
有什麼問題，歡迎聯絡我哋 dive to find ！
Chao!
🤔坊間這麼多潛水中心，為什麼dive to find?
dive to find作為「藍海經濟」支持者，我們會將部分收入轉化到CleanHub塑膠垃圾除淨計劃，所以你付出的部分學費將會直接為地球清除塑膠垃圾，由$$轉到KG。名副其實，你學習潛水的同時，幫助保護海洋！
You learn = Ocean earns! 是我們的company mission 🙌🏻
如果理念相同，請follow我哋 Instagram 及 Facebook! #divetofind @divetofind_
Every breath counts. What do you dive to find?
Comments