搜尋

潛水考牌前必知: 各級潛水牌照介紹+考牌歷程



最近好多人有興趣學水肺潛水,問到未學過應該考咩牌,或可唔可以直接考進階課程等等。而加等我講解下潛水員嘅各級牌照啦!



考牌資格

8歲或以上,體格又合適潛水,就可以考牌㗎喇! (當然小朋友同成人去到嘅水深,同自主嘅level有唔同啦)


未有牌又想體驗下先嘅你

可以報名「體驗潛水」,我哋將教你一節理論堂及帶你體驗一次淺水區域(最深5米)潛水! 但你係唔需要體驗過先考初級牌照嘅。


未學過潛水而直接想考牌嘅你

你會先考初級牌照「開放水域潛水員課程」Open Water Diver Course (俗稱o仔) 考完你就可以到世界各地潛到18米,全球認證!

依個認證係所有潛水員嘅必須證照,一定要係o仔先可以再upgrade到進階潛水員及報讀其他潛水專長。


考咗初級牌,又心思思想考上去嘅你

咁「進階探險潛水員課程」就最適合喇! 依個課程俾你喺12多項潛水專長挑選5項去體驗,提高你潛水技巧同經驗,仲可以俾你嘗試多項感興趣嘅潛水。 最多人揀選嘅專長係深潛、夜間及低能見度潛水、導航、船潛等等。 完成後而又揀咗深潛,你就可以潛到30米max.,揀咗夜潛專長就可以去夜潛,如此類推,就係咁簡單!


考咗初級牌,而好肯定想學以下4項專長嘅你

如果你唔需要嘗試,一嚟就已經知道要深入了解以下4個專長: 。深潛(可潛至40米max.) 。夜間及低能見度潛水 。潛水導航 。高氧潛水EAN40 (可增加潛水時間) 咁你可以直接考獲佢哋嘅專長認證(比進階潛水探險員更深入更多時數),再有24次下潛紀錄,就會獲得「進階開放水域潛水員課程」嘅認證而無需額外付費!


之後想做Dive Guide想做教練?

下回分解喇☺️


再有問題,歡迎聯絡我哋!

27 次瀏覽0 則留言