究竟邊間水肺潛水培訓機構最好？PADI, NAUI定係SSI？
這是好多潛水初哥的頭號疑問。 無疑PADI 係世界上最大的潛水認證機構 （marketing做得確是很好！），但其實所有培訓機構的最終目的都係一樣：培訓專業負責的潛水員。而教學質素都不分上下，認授性亦都達國際水平。
即係話，如果你去間resort嘅dive certer係PADI認證，你揸住NAUI或SSI嘅c card都係暢通無阻，掉轉都一樣。（冇機構可以獨霸個海嫁，OK? ）
接下來，等我解釋下點解各潛水機構都大同小異，及PADI, NAUI同SSI的”小異”分別係咩。
其實依條問題坊間已經答到爛，不如我哋dive deep吧。
水肺潛水運動的發展始於第二次世界大戰前後的幾十年裡，當初人類都係浮潛同打魚為主。當Cousteau和Gagnan先生發明了 “aqualung”之後， 第一個商業銷售的水下呼吸器就喺40年代後期誕生。
但係當時係未有正規水肺潛水訓練同認證機構，除咗軍方訓練。
於1959年Skin Diver Magazine就公布National Diving Patrol成為正式嘅機構，為水下運動作出指引及透過教育降低潛水意外。1960年Tillman先生(1938年當年十歲嘅佢已玩freeiving, 勁！）成立NAUI並於美國Texas舉辦第一屆潛水教練培訓。
#1 重點喺度，依加快鏡講下PADI, NAUI, SSI嘅關係
1966年，NAUI教練John Cronin同佢個friend Erickson自立門戶開辦第一個for-profit的潛水機構PADI, 然後PADI又分拆出NASDS，NASDS的Bob Clark又係1970年同幾個同事創立SSI。最後1999年NASDS又同番SSI合併。
所以話，其實大家都係同一個根生！所有培訓課程都係源自於同一教學基礎。
而且現今已有三大評審機構已定立休閒潛水培訓最低限度要求。佢哋分別係WRSTC, RSTC及 ISO。進一步令水肺潛水培訓達到一致性嘅國際標準。
咁WRSTC, RSTC, ISO又係什麼??
世界休閒潛水訓練委員會（WRSTC）成立於1999年，旨在為世界各地的各種水肺潛水認證機構制定最低嘅休閒潛水培訓標準。 WRSTC將其成員資格限制於國家或地區委員會。 依啲委員會由個人培訓組織組成，並於委員會所屬國家或地區團體代表至少50％的年度潛水員證書。國家或地區委員會被稱為RSTC。
RSTC負責制定標準醫療聲明（與海底和高壓醫學會合作）、潛水手號和以下休閒潛水員等級的最低培訓標準 - 入門潛水體驗，受監督潛水員，開放水域潛水員，高氧認證，入門級救援潛水員，潛水督導員，助理教練，水肺潛水教練和潛水教練培訓師。
國際標準化組織（ISO）就好多人聽過，係制定全世界工商業國際標準的國際標準建立機構。ISO喺2007年亦為潛水界公佈了5個最低標準：3個屬休閒潛水員培訓，2個屬領導級潛水員培訓。
#2 重點就係！
PADI, NAUI及SSI都同樣達到依3間評審機構嘅標準！
所以講到最尾，以休閒潛水員嘅角度嚟睇，跟PADI, NAUI, SSI學潛水都冇咩太大分別。
但係PADI, NAUI, SSI都總有佢哋各自嘅特色
PADI 嘅優點就係佢哋品牌形象做得好好，而且潛水員網絡強大，係市場上佔比最大。基本上初次接觸水肺潛水嘅都會第一時間接收有關PADI的資訊。PADI以潛水教練為核心，認證過程在教練和PADI總部之間進行。因為公司價值，PADI於6年內轉手3次，現任owner名為Mandarinfish Holding，主力向中國內地發展，而學員資料系統都以wechat作主幹。
NAUI係潛水始祖之餘，佢哋鼓勵潛水教練根據學員嘅弱處加強培訓，教學模式比較個人化。因為係非牟利嘅形運模式，學費喺市面上較其他機構平 （當然價錢唔應該係你首要考慮原因！）仲有就係，NAUI認證係唯一被香港勞工處認可的，即係可以成為本地商業潛水員。
SSI係至今已有50年歷史，喺香港少啲人識但其實佢哋喺東南亞非常活躍。總公司位於歐洲，高度注重個人資料私隱，亦因為香港部門直屬總部，好多教練選擇投身SSI!
於每個level都要求要儲夠特定下潛次數先俾你過關，SSI makes sure所有學員都有足夠信心同潛水技能先至認證。
另外SSI嘅數碼平台做得最好，佢哋個APP應用程式包括咗所有潛水課程、每單元的小測、潛水技巧視頻，亦可收錄你的下潛紀錄、潛伴、c-card及潛水計劃表。近年亦被知名潛水品牌MARES總公司收購，全力於潛水界大展拳腳。
各個機構都係國際認可，大家可以考慮以上因素而作出選擇。
如果大家比較technology savvy，鐘意數碼化 「一APP在手, 世界通行」的話，SSI絕對係你first choice!
不過最重要其實都係教授你嗰位潛水教練，同埋佢可以提供的課後支援同持續教學機會。
有緣的，海中見！