經過今次一疫, 全世界都走上Virtual嘅世界，令潛水教學機構嘅網上學習平台即刻顯得非常重要！
今次就等我講解一下PADI, NAUI, SSI嘅線上應用程式APP嘅功能，一齊分析下佢哋嘅好處同不足啦。
Download哂所有APP之後，你會發現:
SSI有一個APP係叫MySSI係有支援e-learning
PADI 有幾個唔同作用嘅APP
NAUI嘅APP係冇e-learning嘅作用(?!)
好，嚟喇！
(唔想睇咁多字，就睇bullet points啦)
.
.
.
SSI
MySSI App提供網上學習教材、水下技巧video、潛水知識小測、dive log、認證卡、資訊、dive shop活動、hand signal圖示等等，集所有功能於一身，整體介面亦非常user friendly，容易使用。
所有SSI課程e-learning係唔需另外收費，所以唔會令總費用貴啲嘅。
因應SSI嘅教學system，各級認證係當學員達到某數量dive log同要求就會自動「成就解鎖」，即時係APP上同步。所有dive log資料可以save哂上APP確保唔會遺失record，buddy亦可以互相scan QR code，copy已輸入嘅dive log資料，快捷方便。而筆者最欣賞係每一個dive log都需要Professional等級的潛水員掃code認證，因為經驗係潛水培訓中非常重要，亂寫做假係會令潛水員同佢團隊承受不必要嘅風險！
喺教學方面，已報讀嘅課程會自動顯示於版面供永久瀏覽 ，可選30多種語言(英文繁簡中文都有,任意轉channel非常貼心)，亦有潛水技能教學短片，無限時重覆觀看。每個單元後都有mc題小測，模式比較互動。學員嘅閱讀進度亦可以被教練track倒，make sure上堂之前學員已經打咗底，唔使好似番小學咁千篇一律由書頭講到書尾。另外特設instructor mode，供潛水教練教學模式
另外open water diver頭3個單元係免費閱讀，可以俾學員試讀同體驗MySSI，依點應該係潛水教練們於招攬新生一個不錯嘅tool。
所有認證卡亦可以喺Offline (i.e.冇得上網) 情況下顯示，出國外潛冇wifi冇data時就非常方便。
最後，MySSI入面仲提供咗緊急情況管理程序，潛水表，附近活動，潛水中心及最新資訊。仲有個button俾你即時send feedback俾SSI，俾佢哋review同improve。
唯一想挑剔係個APP係課程入面冇search bar，未能直接搜尋想顯示嘅單元，要慢慢碌住搵。另外，如果你愈上愈多潛水課程，下載嘅課程都食唔少storage，不過下載後可offline瀏覽，唔會用data，delete已下載嘅課程後亦可隨時download番。
一個APP包含所有功能，設有學生及instructor mode，「教」同「學」都一樣容易
香港區域所有線上理論課程永久瀏覽，仲提供單元小測，潛水技巧video，並可選擇30多種語言，隨時轉channel中英terms都學哂，方便外潛溝通。
E-learning無需另外付費 (疫情前一直都係咁)
鼓勵學員於正式上課前閱覽所有理論知識，教練可於面授時以互動教學形式授課，事半功倍。
支援dive log紀錄，Pro身份(e.g.潛水教練)掃code認證。亦可加入Dive buddy，建立自己的潛水圈。
OWD理論課的頭3個單元免費瀏覽，讓學員體驗SSI教學，亦幫助潛水教練介紹SSI課程。
所有課程(包括專長課程及技術潛水系列)都可以喺APP上學習
所有認證卡可以喺Offline (i.e.冇得上網) 情況下顯示。
潛水認證卡紀錄於APP內，不怕遺失。並有免費獎勵卡，達到特定潛水次數即免費獲得。
提供緊急情況管理程序，潛水表，附近活動，潛水中心及最新資訊。
課程入面冇search bar，未能直接搜尋想顯示嘅單元
隨住學員愈學愈多潛水專長，download嘅課程都會變多，電話嘅storage都用唔少嘅。不過download完就offline瀏覽，唔會用data。亦可以delete已download嘅課程（可隨時dl番），free番d storage出黎。
NAUI
NAUI APP操作比較簡單直接， 提供嘅係最新資訊, Profile, 認證卡, Locator 及潛水用具，但好可惜冇e-learning嘅function，
最新資訊係notice board嘅作用，update潛水員最新消息。Profile就係個人資料個版，locator俾你尋找NAUI潛水中心或教練，不過就只係表格形式，唔支援地圖界面。潛水用具個section就包括呼吸氣體計算器，潛水表，及人手輸入嘅dive log。如果要使用NAUI APP係需要先於網站上登記。因為冇e-learning嘅用途，所以使用率比較低。
始終NAUI係一間非牟利嘅潛水機構，開發APP嘅資金相對少，所以其用途同界面略為遜色都在所難免。
NAUI APP操作簡單直接
提供嘅潛水用具十分有用
很可惜沒有e-learning的作用，不能強化學習體驗
功能太少，版面設計粗略，所以使用率不高
因為都冇咩function，亦冇咩野俾我寫喇。
PADI
好，到最出名嘅PADI喇！喺App store 一search PADI，就出咗好多唔同嘅APP，共5個。
PADI - 最新推出，將為主要應用程式 (我哋簡稱佢主APP)
Padi - Scuba Diving Essentials - 將會被PADI APP取代
PADI Library - 2014年出嘅tablet版本OWD課程，連條link都404咗
PADI Adventures - book PADI dive trip嘅一個APP
PADI Training - 專門開設給Instructor level 學員下載material
PADI暫時e-learning都係website界面為主，亦需要額外付費，所以比傳統書本教學課程總值貴d (大約貴千零蚊港幣)，而且唔係永久瀏覽只有12個月有效期，亦未覆蓋所有課程，令e-learning喺香港使用率較低。
所以目前PADI APP主打唔係e-learning，係提供認證卡顯示，hand signal圖卡、繩結教學、潛水Checklist、pro check及Dive centre搜查器。
認證卡設置於APP入面非常有用，避免違失及影響潛水行程，不過PADI APP嘅依個版面係指番向website，所以冇得offline顯示。另外dive centre搜查器都係direct番向website，小編希望第時做倒100% mobile app功能。
Hand signal圖卡指示清淅。繩結學係SSI同NAUI都冇嘅，對揸船嘅小編我好幫倒手！另外佢哋嘅潛水checklist主要有4項場景 ( i.e. 潛水日程/潛水旅游/備用修理包/急救包)，俾潛水員剔齊要帶備的物資及gear，係大頭蝦嘅恩物。
Pro check一欄係俾padi diver輸入專業潛水人士(例如你潛水教練)編號作出核對作用。
我見PADI舊APP - Scuba Diving Essentials 係有Training Section, 亦都係指向PADI Library APP。所以PADI未來方向係同SSI一樣, 一個APP走天涯。舊APP亦有得入dive log，所以未來應該都會見倒依D function逐步逐步加入新主APP。
APP設計界面簡易直接，容易使用
內設hand signal圖示卡指清晰
繩結教學係SSI, NAUI冇嘅，動畫顯示簡單易明
潛水checklist俾潛水員剔齊要帶備的物資及gear，係大頭蝦嘅恩物
e-learning需額外收費，所以比傳統書本授課昂貴 (額外費用大約195美金)
e-learning課程有效期為12個月，由首次登錄起計算，亦只支援某些課程
轉換語言需要email PADI亞洲分部申請，需時1-2工作天
某些版面(例如認證卡及dive centre搜查器) 係由APP指番去website，所以不能offline使用
主APP並未有e-learning, dive log及其他主要功能
你哋又有咩comment呢? 線上教學或者APP嘅發展對你嚟講重唔重要?
記住呀，我哋雖然只係悠閒潛水員，但無時無刻都要保持專業，安全，同對自己、潛伴及環境負責任嘅潛水員。
今次係咁多先，想知道PADI NAUI SSI幾個潛水機構有咩大同小異? 按此睇番我哋之前個blog啦!
Comments